Өнгөрсөн пүрэв гарагт БНХАУ-руу экспортлосон мах чанарын шаардлага хангаагүйн улмаас хил дээрээс буцаагджээ гэсэн мэдээлэл олон нийтийн сүлжээнд тараад байна. Манай улсын нэр бүхий аж ахуй нэгжүүдийн нийтдээ 9800 орчим тонн мах буцаагджээ. Энэ талаар МХЕГ-аас өнөөдрийг хүртэл ямар нэгэн тайлбар өгөөгүй байна. Харин ГЕГ-аас “ Буцаагдсан нь үнэн. Гэхдээ чанарын шаардлага хангаагүй гэх үндэслэлээр буцаагдсан гэсэн зүйл байхгүй. Буцаагдсан махыг нийлүүлсэн газар нь эргүүлэн татсан. ААН-ийн нэрийг мэдээлэх боломжгүй” гэж мэдээлжээ.
Тухайн их хэмжээний махыг ямар шалтгааны улмаас хил дээрээс буцаасан нь одоогоор тодорхойгүй байгаа ч устгалд оруулсан гэх мэдээлэл ч байхгүй байна. Тэгэхээр чанарын шаардлага хангаагүй байж болзошгүй 9800 орчим тонн мах өнөөдөр зах худалдааны төвүүдээр борлуулагдаж байх ч магадлалтай юм.
Г.Бүжинлхам