Чуулганы нэгдсэн хуралдаан өнөөдөр 10.00 цагаас эхэллээ. Хуралдаанаар Монгол Улсын 2023 оны төсвийн тухай, Нийгмийн даатгалын сангийн 2023 оны төсвийн тухай, Эрүүл мэндийн даатгалын сангийн 2023 оны төсвийн тухай хуулийн төслийг үргэлжлүүлэн хэлэлцэж байна.
Хуралдааны үеэр гишүүд өөрсдийн эрх, үүргийн хүрээнд үг хэлж байна.
УИХ-ын гишүүн Ж.Чинбүрэн “Эрүүл мэндийн төсөв яг одоо 2022 оныхоо төсвөөр 2023 онд орж ирж байгаа. Инфляц, долларын ханш өндөр байна. Яг одоо эрүүл мэндийн бүтээгдэхүүний үнэ ханш 40-60 хувийн үнэ нэмэгдэлтэй байна. Тэгэхээр төсвийг нь нэмж өгөхгүй бол даатгалын сангаас эмнэлгүүдэд квот тогтоож байна. Энэ нь эмчийг та сардаа 100 хүнийг эмчилнэ ээ . Эсвэл 150 хүнээс эмчилж болохгүй гэж хязгаарлаад байна. Энэ нь тухайн эмнэлгийг өвчтэй хүнээ хүлээж авч үзэх дарааллыг хойшлуулж, квотдоо багтаагүй учраас төлбөр авч чадахгүй гэдэг утгаараа хойшлуулах оочир дараалал нэмэгдүүлэх, иргэдэд төвөгтэй болгох энэ нөхцөлийг бүрдүүлж байна. Тиймээс хэлэлцэх асуудал дээр эрүүл мэндийн салбарын нөхцөл байдал тоо баримтуудыг анхааран авч үзэхийг хүсэж байна. Хоёрдугаарт, хөнгөлөлттэй эмийн асуудлыг заавал ярих хэрэгтэй байна. 2020 оны Засгийн Газраас өргөн барьсан даатгалын шинэчлэлийн хүрээнд хөнгөлөлттэй эмийн асуудлыг асар зөв шийдсэн. Гэвч энэ нь зохион байгуулалтын хувьд төвөгтэй болж байна. 40 гаруй мянган иргэн Д Вирусийн эмчилгээний асуудлыг төсөвт суулгаж өгөхгүй бол 2023 онд хэрэгжихгүй болоод байна. Тиймээс 2023 оны төсөв эрүүл мэндийн салбарын төсвийг онцгой анхаарч ажиллаасай гэж хүсэж байна.
Г.Бүжинлхам
