Украины Ерөнхийлөгч В.Зеленский энэ сарын 24-нд буюу Ням гарагт Туркийн Ерөнхийлөгч Т.Эрдогантэй утсаар ярьж Украины нөхцөл байдлын талаар хэлэлцлээ. Украины Ерөнхийлөгч "Оросын арми Азовын гангийн үйлдвэр рүү тасралтгүй довтолсон, Мариуполь болон Азовын гангийн үйлдвэр ойролцоох иргэдийг яаралтай нүүлгэн шилжүүлэх шаардлагатай байна" хэмээжээ.
Мөн Украин - Оросын хэлэлцээний асуудал, Украины аюулгүй байдлын баталгааны талаар Турк болон бусад улстай хийж буй зохицуулалтын талаар ярилцсан байна.
Өчигдөр 4-р сарын 25-нд Украины нийслэл Киев хотноо Украины Ерөнхийлөгч Владимир Зеленский тус улсад айлчилж буй АНУ-ын Төрийн нарийн бичгийн дарга Блинкен, Батлан хамгаалахын сайд Остин нартай уулзжээ.
Эх сурвалжийн мэдээлснээр В.Зеленский болон АНУ-ын албаны хүмүүс батлан хамгаалахын тусламж, Оросын эсрэг хориг арга хэмжээг чангатгах, Украинд үзүүлэх санхүүгийн дэмжлэг болон аюулгүй байдлын баталгаа зэрэг асуудлыг авч хэлэлцсэн байна.
