Өнөөдөр Зам, тээврийн хөгжлийн сайд С.Бямбацогт УБТЗ –тай холбоотой асуудлаар мэдээлэл өглөө.
Тэрбээр” УБТЗ-д 2022 онд ачаа тээвэрлүүлэх хүсэлт 71 сая тонн ирсэн байна. УБТЗ –ын ачаа тээвэрлэх хүчин чадал УБ-Эрээн хотын чиглэлд 14 сая тонн байдаг. Хүчин чадлаас нь 5 дахин илүү ачаа ачуулах хүсэлт ирдэг. Үүнийг шийдүүлэх гэж маш их хэл ам, авилгалын асуудал гардаг. Тиймээс энэ асуудлыг хурдан шийдэх хугацаатай үүргийг сайдаар томилогдсоныхоо маргааш өгсөн.
УБТЗ үүрэг чиглэл өгсөний дараа харьцангуй шуурхай ажиллаж замын үүд дээр 6 сараас хойш гацсан ачаа тээврийг маш хурдан хугацаанд татаж чадсан. Ачаалал 6 дахин буурсан. Улаанбаатарт хоосон чингэлэгүүдийг 3 дахин бууруулсан. Тодорхой хугацаанд шахаж шаардах юм бол маш хурдан хугацаанд үр дүн гарч болдог юм байна гэдгийг УБТЗ харуулсан. Цаашид энэ хүрээнд хэрэгжүүлэх арга хэмжээний талаар нээлттэй өдөрлөг зохион байгуулж танилцууллаа.
УБТЗ–ын тарифыг нэмэх асуудал яригдаж байна. Тухайлбал, УБ-Эрдэнэт ороход 8100 төгрөгөөр явдаг. Ийм хямд тарифтай үйлчилсээр үндсэндээ УБТЗ 60 хувийн алдагдалтай ажиллаж байна. Инфляцийн үед бараа бүтээгдэхүүний үнийг хөөрөгдүүлэхгүйн тулд олон жил хямд тарифтай үйлчилж байгаа. Эхний ээлжинд үе шаттай буюу экспортоор орж ирж байгаа ачаа тээврийн үнийн тарифт өөөрчлөлт оруулах шаардлагатай. Үүнээс бий болсон орлогоосоо парк шинэчлэл болон УБТЗ-ын ажилчидын цалинг нэмнэ гэв.
Мөн галт тэрэг унасан асуудлын тухайд ослын дүгнэлт удахгүй гарна гэв. Тухайн вагон болон машинистыг хариуцсан компанид хариуцлага тооц гэсэн үүрэг өгсөн. Монгол Улсын төмөр зам дээгүүр явж байгаа вагоны бүрэн бүтэн байдлыг шалгадаг байснаас машинистыг эрүүл аюулгүй байдлыг шалга гэж дүрэм журамд нь заагаагүй байдаг. Үүнээс болж осол гарсан. Тиймээс дүрэм журмын талаар өөрчлөлт оруулахаар санал гаргасан байгаа.
Г.Бүжинлхам
