Цагдаагийн байгууллагаас гэмт хэрэг илрүүлэх чиглэлээр хийсэн ажил түүний үр дүнгийн талаар мэдээлэл өглөө.
ЭЦА-ны хулгайлах гэмт хэрэгтэй тэмцэх хэлтсийн дарга, цагдаагийн хурандаа Б.Ууганбаяр: “Сүүлийн 16 хоногын хугацаанд нийт 653 гэмт хэргийг илрүүлээд байна. Өнгөөр нь авч үзвэл
- Хүнийг санаатай алах - 9
- Дээрэмдэх - 19
- Хулгайлах - 154
- Малны хулгай - 23
- Хүчиндэх - 17
- Залилах - 179
- Хүний эрүүл мэндийн халдашгүй байдлын эсрэг гэмт хэрэг - 160
- Бусад төрлийн гэмт хэрэг - 92 гэсэн тоон судалгаа байна.
Энэ жилийн илрүүлэлтийг тоон мэдээллийг прокурорын байгууллагад яллагдагчаар татсан хэргийг үндэслэн гаргаж байгаа.
Мөн дээрмийн гэмт хэргийн нийт хувийн 80 хувь нь нийслэлд үйлдэгдэж байна. Үүний 68 хувь нь согтууруулах ундаа хэтрүүлэн хэрэглэсэн иргэд байсан бөгөөд согтуу үедээ шөнийн цагаар халдлагад өртөж байгаа нь харагдаж байна. Мөн хүчиндэх гэмт хэргийн 60 гаруй хувийг согтуугаар үйлдсэн байна. Гэмт этгээдүүд согтууруулах ундаа хэтрүүлэн хэрэглээд зарим тохиолдолд юу хийснээ ч мэдэхгүй сэрж байна. Цаашдаа иргэдэд хандаж хэлэхэд согтууруулах ундаа хэрэглэхдээ зөв зохистой хэрэглэх шаардлагатай байна. Үнэхээр хэтрүүлэн хэрэглэчихсэн байгаа тохиолдолд найз нөхдөө дуудах эсвэл тухайн орчиндоо амрах ч байдаг юмуу арга хэмжээ аваачээ. Бусад найзууд нь ч гэсэн найзыгаа согтууруулах ундаа хэрэглэчихсэн байгаа гэдгийг мэдэж байгаа бол гэрт нь хүргээд өгчихдөг баймаар байна. Ингэвэл энэ төрлийн гэмт хэрэг үйлдэх эсвэл урьдчилан сэргийлэх арга зам болно. Цадаагийн байгууллага согтуугаар үйлдэгдэх гэмт хэргийн гаралтыг багасгах тал дээр арга хэмжээ авч ажиллаж байна” гэлээ.
Г.Бүжинлхам
