Сарын 10 саяас дээш цалинтай иргэд нэмэлт татвар төлөхөөр болж байгаа талаар Сангийн сайд мэдээллээ. Тодруулбал, 817 мянган татвар төлөгчийн 1.3 мянга нь энэхүү нэмэгдэл татварыг төлөх тооцоо гарчээ. Уул уурхайн салбарынхан голдуу энэ татварт хамрагдах аж.
Сангийн сайд Б.Жавхлан хэлэхдээ "Өндөр орлоготой нь татварын ачааллыг үүрдэг бодлого барина. Тухайлбал 10 сая хүртэлх төгрөгийн орлоготой иргэд 10 хувь хэвээрээ. 10-15 сая төгрөгийн орлоготой иргэд 15 хувь, 15-аас дээш хувийн орлоготой нь 20 хувийн орлогын татвар ногдуулж шаталсан татварын бодлого хэрэгжүүлнэ. Шаталсан татварт нийт хөдөлмөр эрхэлж байгаа хүмүүсийн нэг хүрэхгүй хувь хамрагдана. Манай улсын нийт хөдөлмөр эрхлэгчдээс 1.3 мянган нь 10 саяас дээш цалинтай байна" гэв.
