Өнөөдрийн засгийн газрын хуралдаанаар ковид болон дайнтай холбоотой хямраад байгаа эдийн засагт авч хэрэгжүүлэх арга хэмжээний талаар гаргасан шийдвэрээ танилцууллаа.
Ч.Хүрэлбаатар “ 2023 оны эдийн засгийн бодлогыг цар тахлын өмнөх үетэй ижил болгох тал дээр эдийн засгийн хөгжлийн яам анхаарч ажиллаж байна. МУ-ын экспортын түвшинг цар тахлын өмнөх үеийнхтэй ижил болгохгүй бол валютын нөөц хомсдох эрсдэл байна. Үүнтэй холбоотой түр зуурын арга хэмжээг авч хэрэгжүүлэхээр ажиллаж байна. Экспорт өндөр байгаа ч валют бага байна. Тиймээс нүүрсээ түлхүү гаргах чиглэлд түр ажлыг зохицуулж холбогдох арга хэмжээг хэрэгжүүлж байна.
Мөн өрхийн бодит орлого буурч байгаа учраас иргэд хадгаламжруугаа орж байна. Хадгаламжийн хэмжээ 3 их наяд төгрөгөөр буурчээ. Үүнээс үзэхэд ард иргэдийн бодит орлого буурч байгаа нь тодорхой байна. Энэ удаагийн хямрал ковид болон дайнтай холбоотойгоор илүү урт хугацаанд үргэлжилж байна.
Үүнээс гарах арга хэмжээг бид эдийн засгийг тогтворжуулах арга хэмжээ гэж харж байна. Гэвч Монгол Улсын эдийн засаг хурдан хугацаанд тогтворжино гэж хэлэхэд хэцүү байна. 2023 он гэхэд Эдийн Засгийг тодорхой хэмжээнд тогворжуулна. Өөрөөр хэлбэл мөнгөний бодлого чангарна , төсвийн алдагдалийг бууруулна" гэсэн юм.
Г.Бүжинлхам
