ОХУ-ын Ерөнхийлөгч цэргийн алба хаахтай холбоотойгоор Эрүүгийн хуульд нэмэлт, өөрчлөлт оруулах тухай багц хуулийн төсөлд гарын үсэг зурлаа. Холбогдох баримт бичгийг хууль эрх зүйн мэдээллийн албан ёсны портал дээр нийтэлсэн байна.
Хуульд оруулсан нэмэлт өөрчлөлтөөр одоо цэргийн албаны эсрэг гэмт хэргийн хувьд зөвхөн зэвсэгт мөргөлдөөн, байлдааны ажиллагааны үед бус дайчилгааны болон дайны байдлын үед үйлдсэн тохиолдолд хүндрүүлэх нөхцөл байдлаар тооцохоор болж байна. Тухайлбал, цэргийн даалгаврыг биелүүлээгүй, цэргийн албанаас зайлсхийсэн, алба хаах журам зөрчсөн тохиолдолд хүлээлгэх хариуцлагыг чангатгаж байна.
Түүнчлэн нөөцөд байгаа цэргийн албан хаагчид гэрээт цэргүүдийн нэгэн адил ижил түвшний эрүүгийн хариуцлага хүлээх болно. Мөн сайн дураараа бууж өгсөн, дээрэм хийсэн, төрийн хамгаалалтын даалгаврын гэрээний нөхцөлийг давтан зөрчсөн, эсвэл гэрээ байгуулахаас удаа дараа татгалзсан тохиолдолд эрүүгийн хуульд заасан шийтгэл ногдуулна.
Сануулхад есдүгээр сарын 21-нд Владимир Путин тус улсад хэсэгчилсэн дайчилгаа эхэлж байгааг зарлав. Түүний хэлснээр цэргийн жинхэнэ албанд татагдсан хүмүүс анги нэгтгэлд очихоосоо өмнө цэргийн нэмэлт сургалтад хамрагдах юм.
Эх сурвалж: Лента.ру