Дарханы замын явцын талаар ЗТХ-ийн сайд С.Бямбацогт мэдээлэл хийлээ.
Тэрбээр "Сайдын ажил аваад 20 гаруй хонож байна. Энэ хугацаанд Дарханы зам дээр 20 орчим километр зам хатуу хучилтай болж нэмэгдлээ. Ингэснээр 204 км замаас 160 км нь хатуу хучилттай болж байна.
Болж өгвөл ирэх сарын 30 гэхэд хоёр урсгалтай, дөрвөн эгнээ замын нэг урсгал хоёр эгнээг нээж шороон замаар явахгүй байх бололцоог бүрдүүлнэ.
Хөтөлийн цемент шохой үйлдвэрийн үйл ажиллагаа өнгөрсөн наймдугаар сарын 15-наас хойш зогссоноос болж цементийн тасалдал үүссэн. Тиймээс ханган нийлүүлэлтийг хэвийн болгох чиглэлээр "Монцемент", "МАК", "Налгар түшиг " компаниудтай ойлголцож, бүтээн байгуулалтын ажилд дэмжлэг үзүүлэхийг хүссэн" гэлээ.
