ОХУ-ын Ерөнхийлөгч Владимир Путин Орос даяар хэсэгчилсэн цэргийн дайчилгаа орон даяар зарлаж буй талаар мэдээлсэн. Уг мэдээлэлтэй холбогдуулан нийгмийн сүлжээнд ОХУ-ын иргэд Алтанбулаг боомт дээр хил нэвтрэхийн тулд цуваа үүсгэсэн талаарх мэдээлэл гарч эхэлсэн. Энэ талаар Хууль зүй, дотоод хэргийн сайд Х.Нямбаатар дараах тайлбарыг өглөө.
Хууль зүй, дотоод хэргийн сайд Х.Нямбаатар “Сүүлд авсан мэдээллэээр Хиагт орчимд оочир үүсгэсэн байгаа машины тоо 60 орчим байна гэсэн мэдээлэл байна. Өчигдөр, өнөөдрийн хувьд бол Монголыг зорих зорчигчийн хөдөлгөөн ихэссэн гэсэн мэдээлэл байна. Хил дээр бол 30-40 машины цуваа үүсчихсэн байна.
ОХУ –ын иргэд Монгол улс руу 30 хоногт визгүй зорчиж байгаа. Энэ хүрээндээ ОХУ-аас манай улсыг зорьж байгаа иргэдийг хязгаарлах үндэслэл байхгүй. Хүмүүс нийгмийн сүлжээнд цэрэг татлагатай холбоотой манай улсыг зорих ОХУ-ын иргэд нэмэгдсэн гэх мэдээлэл байгаа. Тухайн улсын дотоод байдалд манай улсаас дүгнэлт хийх эрх байхгүй. Одоогоор манай улсад байгаа гадаадын иргэдийн тоо 17-18 мянга орчим байгаа. Үндэсний аюулгүй байдлын баримт бичгүүдэд заасан тоонд хүрэх болоогүй байгаа” гэлээ.
Г.Бүжинлхам
