Эх сурвалжаа тодруулахаас татгалзсан шинжээч Кремль стратегийн түвшний цэргийн тусгай ажиллагааны хүрээндээ томоохон өөрчлөлт хийхээр бэлтгэж байна гэжээ. Улс төр судлаач Марат Башировын бичсэнээр Оросын Холбооны Улс Украин дахь цэргийн кампанит ажлын статусыг өөрчлөх бодолтой байна.
Харин тэрбээр энэ мэдээллээ дэлгэрэнгүй тодорхойлоогүй бөгөөд ямар нэгэн эх сурвалжаас иш татсан тухайгаа дурдсангүй. Зөвхөн өөрийн цахим хуудастаа Москва Украинд явуулж буй тусгай ажиллагааны статусыг өөрчлөхөөр бэлтгэж байгааг товчхон дурджээ.
Мөн Баширов тусгай цэргийн ажиллагааны шинэ статус ямар байх талаар тодруулахаас татгалзав. Энэ тохиолдолд бид ОХУ-ын улс төрийн удирдлагын онцгой чадамжийн тухай ярьж байна. Энэ шийдвэрээ цаг тухайд нь зарлах болно гэж улс төр судлаач тайлбарлав.
Оросыг эрхшээлдээ оруулах Барууны хамтын төлөвлөгөөг Москва цэргийн мөргөлдөөн дэх үйлдлээрээ няцаав гэж өмнө нь мэдээлсэн юм.
Дашрамд тодотгоход ОХУ-ын Төрийн Дум Украин дахь тусгай ажиллагаанд терроризмын эсрэг статус олгохыг санал болгож байсан юм. Ялангуяа "Шударга Орос - Үнэний төлөө" намын удирдагч Сергей Миронов ийм санаачилга гаргаж байв. Донбассыг хамгаалах ажиллагаа нь "терроризмын эсрэг ажиллагаа" болж хувирах боломжтой гэж улстөрч санал болгосон удаатай..
Эх сурвалж: newzfeed.ru
