Туркийн Ерөнхийлөгч Режеп Тайип Эрдоган Орос Украины мөргөлдөөнийг аль болох хурдан зогсоохыг хичээж байна гэж үзэж байна. Тэрээр энэ тухайгаа даваа гарагт Америкийн PBS телевизэд өгсөн ярилцлагадаа илэрхийлжээ.
Түүний бодлоор Украин дахь мөргөлдөөн хэр хурдан дуусах вэ гэсэн асуултад Туркийн удирдагч "Юуны өмнө Оросын байр суурь маш чухал" гэж хариулжээ. "Би Узбекистанд Ерөнхийлөгч Владимир Путинтэй уулзаж, бид маш тодорхой ярилцсан" гэж Эрдоган хэлэв. Түүний хэлснээр, Оросын удирдагч "Үүнийг аль болох хурдан дуусгахыг хичээж байгаагаа илэрхийлсэн" гэжээ.
Эрдоганы хэлснээр "Одоо бүх зүйл нэлээд асуудалтай болж байна. Гэхлээ миний бодлоор урагшлах чухал алхам хийх болно" гээд үүний зэрэгцээ "энэ байлдаан мөргөлдөөнийг энх тайвнаар дуусахыг хичээж байна" гэж онцлон тэр тэмдэглэв.
Өнгөрсөн баасан гарагт Самарканд хотноо болсон Шанхайн хамтын ажиллагааны байгууллагын дээд хэмжээний уулзалтын хүрээнд Орос, Туркийн ерөнхийлөгч нар хэлэлцээ хийсэн юм. Уулзалтын дараа ОХУ-ын төрийн тэргүүн хэлэхдээ Эрдоган түүнд Украины удирдагч Владимир Зеленскийтэй хэлэлцээр зохион байгуулахыг санал болгоогүйг тэмдэглээд, Туркийн ерөнхийлөгч байдлыг хэвийн болгох, тэр дундаа хүнсний асуудлыг шийдвэрлэхэд ихээхэн хувь нэмэр оруулж байгааг онцлон тэмдэглэсэн юм.
Эх сурвалж: Итар ТАСС
