Херсон мужийн засаг захиргааны тэргүүн Владимир Салдо тус бүс нутгийн эрх баригчид Орост нэгдэх асуудлаар бүх нийтийн санал асуулга явуулахаар шийдсэн гэж мэдэгдэв. Албан ёсны мэдэгдлийг түүний цахим сувагт нийтэлсэн байна.
"Олон нийтийн байгууллага, бүс нутгийн оршин суугчдын хүсэлтийг харгалзан Херсон мужийн захиргаа Херсон мужийг ОХУ-ын бүрэлдэхүүнд оруулах талаар бүх нийтийн санал асуулга явуулахаар шийдсэн" гэж тэр бичжээ.
Мөн тэрбээр Оросын эрх баригчид бүх нийтийн санал асуулгын дүнг хүлээн зөвшөөрч, үүний дараа тус бүс нутаг "Оросын нэг хэсэг болж, нэг улсын бүрэн эрхт субьект болно" гэдэгт итгэлтэй байгаагаа илэрхийлэв.
Оросууд болон ОХУ-ын Ерөнхийлөгч Владимир Путин нар бүс нутгийн аюулгүй байдал, хөгжил цэцэглэлтийн баталгаа болж ажиллана гэдэгт эргэлзэхгүй байна гэдгээ илэрхийлэв.
Херсон мужийн эрх баригчид сонгуулийн санал асуулгын үр дүнг аль болох хурдан батлах хүсэлтийг ОХУ-ын Ерөнхийлөгч Владимир Путинд хандана гэж Салдо видео илгээлтдээ дурджээ.
Үүнээс гадна БНДАУ-ын тэргүүн Денис Пушилин мөн Донбассын бүгд найрамдах улсууд ОХУ-д нэгдэх асуудлаар бүх нийтийн санал асуулга явуулахад идэвхтэй бэлтгэж эхэлсэн гэж мэдэгдэв.
Крымын Сонгуулийн хорооны дарга Михаил Малышев БНДАУ, БНЛАУ түүнчлэн Херсон мужид ОХУ-ын бүрэлдэхүүнд орох тухай бүх нийтийн санал өгөх байруудыг нээж, дүрвэгсэд, цагаачдыг оруулах боломжтойг тэмдэглэв.
Мөн Владимир Салдо Херсон муж БНДАУ, ЛАУ-ын нэгэн адил Орост нэгдэх асуудлаар 9-р сарын 23-27-ны хооронд "бүх нийтийн санал асуулга" явуулах тухай "зарлигт" гарын үсэг зурсан гэжээ.
ОХУ-ын Аюулгүйн зөвлөлийн орлогч дарга Дмитрий Медведев мягмар гарагт хэлэхдээ, Донбасст бүх нийтийн санал асуулга явуулах нь оршин суугчдыг системтэйгээр хамгаалах төдийгүй түүхэн шударга ёсыг сэргээхэд чухал ач холбогдолтой юм гэжээ. Түүний хэлснээр, санал хураалтын үр дүн нь Оросын хэдэн арван жилийн хөгжлийн векторыг өөрчлөх болно.
Мөн 8-р сарын сүүлчээр Запорожье мужийн засгийн газрын дарга Антон Кольцов хэлэхдээ, одоо бүс нутаг бүх нийтийн санал асуулга явуулах зохицуулалтын эрх зүйн актуудыг бэлтгэж байна. Запорожье муж Оросын нэг хэсэг болно гэж найдаж байна гэж тэр хэлэв.
Эх сурвалж: Лента.ру болон Iz.ru
