Япон Улсын Засгийн газраас Төрийн соёрхолт, Монгол Улсын Гавьяат жүжигчин Догмидын Сосорбарамыг Япон, Монгол хоёр орны харилцан ойлголцлыг нэмэгдүүлэхэд хувь нэмрээ оруулсан гэж үнэлж “МАНДАХ НАР” одонгоор шагнажээ.
Тэрбээр 1990 оноос хойш Монголд өрнөсөн ардчилсан хөдөлгөөнд манлайлах үүрэг гүйцэтгэж байснаас улбаалан ардчилсан нийгэм руу шилжсэн шилжилтийн үеэс эхлэн тууштай дэмжиж ирсэн Япон Улстай харилцах харилцааг чухалчлан үзэх болсон. Мөн өнөөдрийг хүртэл Монгол, Японы хамтын харилцааны хүрээнд зохион явуулсан урлаг соёлын олон ажилд хамтран, дуу, бүжгээр дамжуулан хоёр орны соёлын харилцааны гүүр болж чухал үүрэг гүйцэтгэсэн нь хоёр орны ард түмний харилцан ойлголцол, найрамдалт нөхөрсөг харилцааг хөгжүүлэхэд чухал нөлөө үзүүлжээ.
АН-ын Ерөнхий нарийн бичгийн дарга Ч.Өнөрбаяр “Хүндэлж явдаг ах маань Японы Засгийн газрын “Мандах нар” одонгоор шагнагдлаа. Танд эрүүл энх, хамгийн сайн сайхныг хүсье. Монгол, Японы харилцаа өргөжин тэлэх болтугай” хэмээн өөрийн цахим хуудастаа нийтэлжээ.
.
