Шведэд суугаа ОХУ-ын Элчин сайд Виктор Татаринцев хэлэхдээ, Москва тусгай ажиллагаанаас жинхэнэ дайнд шилжвэл Киевийн оршин тогтнох нь төгсгөл болно гэсэн үг юм гэж Expressen сонинд ярилцлагадаа дурджээ.
Ийнхүү дипломатч Украин дахь тусгай ажиллагаа болон дайны ялгааг тайлбарлав. Түүний хэлснээр, Орос "Украиныг маш богино хугацаанд эзлэн авч чадна".
"Оросын талаас энэ бол дайн биш, цэргийн тусгай ажиллагаа юм. Хэрэв Орос жинхэнэ дайн эхлүүлбэл Украины төгсгөл тэр аруй ирнэ" гэж ОХУ-аас Шведэд суугаа Элчин сайдВиктор Татаринцев дурджээ. Тэрбээр мөн Москвагийн ялалтад итгэлтэй байгаагаа илэрхийлэв.
Орос армийнхаа хүчин чадлын талаар анхааруулав
ОХУ-ын Ерөнхийлөгч Владимир Путин Украин дахь Оросын армийн хүчин чадлын талаар анхаарууллаа. "Барууны болон Украины удирдагчид Оросыг байлдааны талбарт ялах боломжийн талаар мэдэгдэл хийж байгаа ч Москва бүрэн боломжоо хараахан харуулаагүй байна. Бид ерөнхийдөө юу ч эхлүүлээгүй байна" гэж төрийн тэргүүн анхууруулсан юм.
Путин мөн тусгай ажиллагааны явцыг “Орос юу ч алдаагүй” гэсэн хэллэгээр тайлбарлав. “Бид юу ч алдаагүй, юуг ч алдахгүй гэж бодож байна. Энхүү ажиллагаа нь манай бүрэн эрхт байдлыг бэхжүүлэх явдал бөгөөд энэ бол одоо болж буй үйл явдлын зайлшгүй үр дүн гэж би хэлж чадна" гэв.
Үүнээс гадна Холбооны Зөвлөлийн дарга Валентина Матвиенко ОХУ-д тусгай ажиллагааг дуусгах бүх нөөц байгаа гэж мэдэгдэв. Энэ нь зөвхөн материаллаг төдийгүй оюуны болон ёс суртахууны нөөц бололцоо гэдгийг тэрээр тэмдэглэв.
Барууныхан Украины ялалтад эргэлзэж байна
Өмнө нь Италийн социологич Алессандро Орсини "Украинд Киев болон түүний холбоотнуудын хувьд гамшгийн нөхцөл байдал үүссэн" гэж мэдэгджээ. Ингэхдээ энэ талбарт Оросын талын "хүлээгдэж буй" ялалтыг социологич нэрлэжээ. Түүний хэлснээр, энэ нь Киевийн хувьд эмгэнэл болно гэдгийг онцолжээ.
Үүнээс гадна Зүүний намын Бундестагийн депутат Грегор Гиси хэлэхдээ, "Барууны орнууд цэргийн тусламж үзүүлсэн ч Украин Оросыг ялж чадахгүй байна. Тэд Оросыг цэргийн хувьд ялах боломжгүй" гэсэн байр суурийг илэрхийлжээ.
Эх сурвалж: Лента.ру
