Монголын хөгжмийн зохиолч Б.Энхбаярын бүтээл олон улсын мэргэжлийн хөгжмийн зохиолчдын уралдааны том хэлбэрийн бүтээлийн төрөлд дэд байрын шагнал хүртжээ. Түүний "Их хааны галын тахилга" симфони сьют Оросын алдарт хөгжмийн зохиолч И.Дунаевскийн нэрэмжит есдүгээр уралдааны хоёрдугаар байр эзэлсэн байна. Уралдааны шагналыг Москва хотноо аравдугаар сарын 9-нд их тайзнаа гардуулах аж.