Монгол Улсын Сангийн сайдаар Болдын Жавхлан томилогдон ажиллаж байгаа билээ. Манай улсад төдийгүй дэлхий нийтээрээ ковидын нөхцөл байдал, Орос - Украйны дайн гээд эдийн засаг, санхүүгийн асуудал амаргүй байгаа. Гэвч дэлхийн байдал, хоёр хөршийн хаалтан дунд тун ч амаргүй байгаа үед Монгол Улсын мөнгө төгрөгийн ерөнхий сан хөмрөгийг арвилан хэмнэх ёстой Б.Жавхлан сайд сар шинийн баярын өдрүүд, өвлийн олимпийн үеэр БНХАУ-д айлчлахдаа Сангийн яамнаас 20 сая 450 мянган төгрөг гаргуулсан бол 2022 оны хоёрдугаар сард АНУ-д айлчлахдаа 26 сая 600 мянган төгрөгийг гаргуулсан байна.
Монгол улсын Засгийн газраас хэмнэлтийн 43 тоот тогтоол гаргаж түүнийг бүгд дагаж мөрдөж байгаа. Гэвч Монгол Улсын мөнгө төгрөгийн ерөнхий сан хөмрөгийг атгаж буй Сангийн сайд үүнийг зөрчжээ. Тэрбээр БНХАУ-д айлчилж өвлийн олимпын нээлт үзэх, АНУ-д очиж гадны зочидтой уулзах зэрэгт ТАТВАР ТӨЛӨГЧДИЙН МӨНГИЙГ үр ашиггүй зүйлд зарцуулсан байна.
