Украины Ерөнхийлөгч В.Зелинськийн сууж явсан машин өчигдөр орой Киев хотын ойролцоо авто осолд оржээ. Ерөнхийлөгчийн хэвлэлийн төлөөлөгч Сергей Никифоров энэ талаар мэдээлсэн байна.
Азаар уг ослоос болж Ерөнхийлөгчийн эрүүл мэндэд ноцтой хохирол учраагүй өнгөрчээ. Гэхдээ эмчийн үзлэгт орсон, бага зэргийн гэмтэл бол байгаа гэнэ.
Ерөнхийлөгчийн машин бага оврын өөр нэг машинтай шүргэлцсэн юм байна. Ерөнхийлөгчийг дагалдаж явсан эмч нарын баг нөгөө хөнгөн тэрэгний жолоочид тусламж үзүүлж, түргэн тусламжийн машинд хүлээлгэж өгчээ.
Эх сурвалж: Eguur.mn
