Өнөөдрийн хуралдаанаар Засгийн Газрын Хуралдааны журманд өөрчлөлт оруулах асуудлыг хэлэлцэж баталлаа. Тодруулбал Төрийн бүтээмжийн хурдыг нэг дахин нэмэгдүүлэх чиглэлээр өөрчлөлт оруулж баталсан юм. Мөн хувийн хэвшил, мэрггэжлийн төрийн бус байгууллагаар гүйцэтгүүлэх ажил үйлчилгээний талаар авах зарим арга хэмжээний төслийг батлуулжээ.
ЗГХЭГ-ын дарга Д.Амарбаясгалан: Төр хувийн хэвшилтэй өрсөлдөх ёсгүй. Төрийн түвшинд эрхлэх шаардлагагүй бизнесийг хувийн хэвшлээр эрхлүүлдэг болох нь төрийн чухал бодлого байх ёстой. Нэг талдаа стратекийн ач холбогдолтой томоохон улсын үйлдвэрийг төр хариуцаж явуулах нь тодорхой. Төрийн зүгээс эрхлэх шаардлагагүй хэд хэдэн төрлийн бизнес байна. Тухайлбал: Сургууль цэцэрлэгийн хүнс хангамжийн үйлчилгээг төр эрхлэх шаардлагагүй. Мэргэжлийн хувийн хэвшлийн өндөр шаардлага хангасан байгууллагууд хийх боломжтой. Мөн тохижилт үйлчилгээний байгууллагын зарим чиг үүргийг хувийн хэвшлээр гүйцэтгүүлэх шаардлага байна гэж үзэж байна” гэлээ.
Өөрөөр хэлбэл: 2023 оны төсөвт хувийн хэвшилийн хийж болох, төр хийх шаардлагагүй зарим үйлчилгээнд төсөв гаргахгүй гэсэн үг. Ингэснээр ямар нэгэн эрх баригч өөрсдийн эрх ашигт нийцүүлэн төсвөөс мөнгө авдаг, иддэг байдаг үгүй болно гэж харж байна.
Г.Бүжинлхам