НДЕГ-ын дарга Д.Зоригт нь ажлын цагаар албан өрөөндөө мөрийтэй тоглодог талаарх гомдол, мэдээлэл Засгийн газрын иргэд, олон нийттэй харилцах 1111 төвд ирснээр тус мэдээллийн дагуу холбогдох албаныхан хяналт шалгалт хийж, уг асуудлыг өнөөдрийн Засгийн газрын хуралдаанаар танилцуулан Д.Зоригтыг үүрэгт ажлаас нь чөлөөлөх шийдвэр гарлаа гэдэг мэдээлэл хэвлэл мэдээллүүдээр цацагдсан.
Тэгвэл НДЕГ-ын дарга Д.Зоригт энэ асуудлаар хэвлэл мэдээлэлд тайлбар өглөө.
Д.Зоригт: "Би мөрийтэй тоглоом тоглох байтугай дүрмийг нь ч мэдэхгүй. Намайг ажлаас чөлөөлөх шийдвэр гараагүй байгаа. Би сая гурав хоног олон улсын зөвлөгөөнд сууж байгаад ирлээ. Яагаад тийм гомдол мэдээлэл гаргасныг мэдэхгүй байна" гэв.
