Өнөөдрийн ЗГ-ын хуралдаанаар Цахим хөгжил, харилцаа холбооны яам болон бусад холбогдох байгууллагууд "Буянт Ухаа" олон улсын нисэх буудал руу нүүх талаар санал гаргаж, танилцууллаа.
Цахим хөгжил, харилцаа холбооны сайд Н.Учрал: "Буянт Ухаа Монгол Улсын техникийн соёлын түүчээ болсон томоохон бүтээн байгуулалт. 1925 оноос хойш иргэний нисэхийн салбарынхан инженерүүдийнхээ тусламжтайгаар бага оврын агаарын тээврийг өөрсдөө зохион бүтээсэн гэх мэт олон ололт амжилтаар "Буянт-Ухаа" хөндий нэрлэгддэг. Тэгэхээр "Буянт-Ухаа" олон улсын нисэх буудлын барилга байгууламжийг бид илүү үр ашигтай ажлуулах чиглэлээр, мөн төрийн захиргааны байгууллагыг хөшигтийн хөндий рүү шат дараатай нүүлгэн шилжүүлэх тогтоолтой холбоотойгоор "Буянт-Ухаа" олон улсын нисэх буудлын тодорхой хэсэгт Цахим хөгжил, харилцаа холбооны яам түүний харьяа байгууллагууд шилжиж инновацийн төв болон өргөжих, өрсөлдөх чадвартай шинэ технологийн компани байгуулах зэрэг олон шинэчлэлийг хийх боломжтой. ” гэлээ.
Мөн мэдээллийн үеэр "Харилцаа Холбоо, Мэдээлэл Технологийн Салбар бол орон зайнаас үл хамаарч ажлаа явуулдаг. Тиймээс заавал төвд үйл ажиллагаагаа явуулах шаардлагагүй. Харин "Буянт-Ухаа" олон улсын нисэх буудлын хөндийг Монгол улсын цахиурын хөндий болгох эхлэлийг тавих шаардлагатай гэлээ.
Г.Бүжинлхам
