Монгол Улсын Хөдөлмөрийн баатар, гавьяат тамирчин Мөнхбатын Уранцэцэг жүдо бөхийн спортоос зодог тайлж, дэлхийн холимог тулааны дэвжээнээ өнөөдөр гарлаа.
АНУ-ын "Jackson Wick MMA Academy"-д бэлтгэл сургуулилтаа базааж буй М.Уранцэцэг аваргын эхний өрсөлдөгч нь "Fury fighting championship" холбооны atomweight буюу 48 кг хүртэлх жингийн аварга, АНУ-ын тамирчин Амбер Террелл. Бразилийн жью жицү, бокс суурьтай тэрээр 25 настай.
АНУ-ын Арканзас мужид PFC (Peak fighting championship) холбооны strawweight буюу 52 кг-ын жингийн сонирхогчийн аваргын бүсний төлөөх тэдний тулаан хоёр үе л үргэлжилж, М.Уранцэцэг гарт нь өчиж яллаа.
Аваргын бүс зүүсэн М.Уранцэцэг "Нэгдүгээр үе дээр дуусгая гэж бодсон ч хоёрдугаар үе рүү орлоо. Үүнээс цааш надад маш том амжилтууд байгаа. Бодсон зүйл их бий. Ялсандаа баяртай байна" хэмээлээ.
