"Будапешт-2013", "Ташкент-2014" ДАШТ-ий хүрэл медальт, "Гуанжоу-2010" Азийн наадмын аварга, Азийн АШТ-ий 3 мөнгө, 1 хүрэл медальт, Монгол Улсын гавьяат тамирчин Ганзоригийн Мандахнаран 2 жил гаруйн дараа дэвжээндээ гарна. 2020 оны насанд хүрэгчдийн улсын аваргад түрүүлснээс хойш барилдаагүй Мандахаа гавьяат маргааш Монголын бүх ард түмний XV наадамд 86 кг-ын жинд зодоглохоор болжээ. Дасгалжуулагчийн албанд шилжсэн түүний хувьд спартакиадад 2008 онд алт, 2012, 2016 онд хүрэл медаль хүртэж байсан юм.
Эх сурвалж: MGLSport.com
