“Boys meeting” үйл ажиллагааг Нийслэлийн Засаг даргын Тамгын газар, Нийслэлийн Боловсролын газар, Нийслэлийн Гэр бүл, хүүхэд, залуучуудын хөгжлийн газар, “Зөв эр хүн” НҮТББ хамтран зохион байгууллаа.
Хөвгүүдийн талаар монголчууд бидний ойлголт хоцрогдмол. Эрэгтэй хүүхдийг хатуу чанга гараар хүмүүжүүлэх ёстой, эрэгтэй хүүхдийг эрхлүүлж болохгүй, эрэгтэй хүүхэд байж уйллаа, эрэгтэй хүүхэд юм чинь сурахаас илүү ажил хий гэх мэт хандлага гаргадаг. Гэтэл эрэгтэй л болохоос тэр чинь хүн шүү дээ. Охид илүү эрхтэй, хөвгүүд дутуу эрхтэй гэсэн хууль хаана ч байхгүй. Хүний эрх бүгдэд эн тэнцүү, ижил шударга үйлчлэх учиртай юм. Ингэж сануулахын учир сүүлийн үед сургуулийн орчинд охидын ам хэл, бие махбодийн хүчирхийлэлд өртөх хөвгүүд цөөнгүй болжээ. Эрэгтэй хүүхэд зөв хүмүүжилтэй байх нь Монголын ирээдүйн хөгжилд чухал байх болно...Уулзалтаар “Нийслэлийн Хөвгүүдийн Зөвлөл” байгуулж, ажиллах бүтэц, чиг үүргээ тодорхойлохоос гадна “Зорилготой хөвгүүд”, “Эрүүл хөвгүүд” төслүүдийг эхлүүлэх санаачилгыг гаргасан байна.
Эх сурвалж: Боловсролын Ерөнхий Газар
23723723 Comments57 SharesLikeCommentShare
