СЭМҮТ болон Монголын Сэтгэцийн Эрүүл Мэндийн Нийгэмлэг ТББ-аас улсын хэмжээнд хийсэн сэтгэцийн эрүүл мэндийн байдлыг тодорхойлох судалгааны дүнг танилцууллаа.
АШУИС-ийн Сэтгэцийн тэнхмийн багш Н.Ганцэцэг: COVID-19 цар тахал тархаж, хөл хорио тогтоосон шийдвэр урт хугацаанд үргэлжилснээр дэлхий нийтэд ганцаардах, сэтгэл түгшил, өвчин тусаад үхэх вий гэсэн айдас, өрхийн орлого буурсан зэрэг шалтгаанаар сэтгэцийн эрүүл мэндэд сөрөг нөлөө үзүүлсэн. Хүн төрөлхтөнд тулгарч буй сэтгэцийн эрүүл мэндийн энэ мэт асуудлыг 2019 оноос дэлхий нийтээр судалж байна.
Сэтгэцийн эмгэг дэлхийн нийт хүн амын 8 хувьд тулгарч байсан бол ковидын дараа 19 хувь болж өссөн. Тиймээс ЭМЯ, ДЭМБ аас 2021 онд СЭМҮТ, АШУҮИС, Монголын Сэтгэцийн Эрүүл Мэндийн Нийгэмлэг ТББ-д монгол хүний сэтгэцийн эрүүл мэндэд судалгаа хийхийг үүрэгдсэн.
Судалгаанд Улаанбаатар хотын есөн дүүрэг, 21 аймаг, 333 сум, есөн дүүргийн 9000 гаруй хүнийг хамруулснаас 7919 хүний сэтгэцийн эрүүл мэндийн байдлыг судаллаа. Судалгааг асуумж хэлбэрээр явуулахад хамрагдсан иргэдийн 62,2 хувь нь ын хам шинжтэй, 55 хувь нь архаг сульдалттэй, 48 хувь нь биеших эмгэгтэй, 39,6 хувь нь сэтгэл гуралттай байсан бөгөөд эмэгтэйчүүдэд архаг ядаргаа 66,8 хувь илүү илэрсэн. Түүнчлэн судалгаанд жирийн иргэд болон онцгой, цагдаа эмч, эмнэлгийн мэргэжилтнүүдийг хамруулсан. Цар тахлын үед үүрэг гүйцэтгэж байгаа албаныханд сэтгэл түгшилт, сульдалт жирийн иргэдээс 5-6 хувиар илүү байсан.
