SpaceX болон Tesla компанийн үүсгэн байгуулагч Илон Маск тавдугаар сард ОХУ-ын Ерөнхийлөгч Владимир Путин Ялалтын баярыг тохиолдуулан үг хэлэх гэж байгаа тул Twitter-ийн худалдан авалтаа хойшлуулахаар шийдсэн тухай шүүх хурлын үеэр нийтэлсэн баримтаас иш татан Business Insider мэдээлжээ.
Маск 5-р сарын 8-нд бид "Дэлхийн гуравдугаар дайн руу явж байгаа" эсэхийг шалгахын тулд Путины үг хэлэхийг хүлээхийг хүсч байна гэж бичжээ. Энэ хэлэлцээрт оролцсон Morgan Stanley банкны банкир болон бизнесмэн хоёрын захидал харилцаанаас иш татан нийтэлжээ.
"Хэдхэн өдөр удаашруулъя. Путины маргааш хэлэх үг үнэхээр чухал. Хэрэв бид дэлхийн 3-р дайн дөхөж байгаа бол Твиттерийг худалдаж авах нь ямар хэрэг вэ" гэж Маскийн бичснийг компанийн өмгөөлөгч дурджээ.
Өмгөөлөгчийн хэлснээр бизнесмэний /Илон Маск/ мэдэгдлүүд нь олон нийтийн сүлжээг худалдан авахаас татгалзсан нь Твиттер хүлээсэн үүргээ биелүүлээгүйгээс биш харин хувийн санхүүгийн асуудалдаа санаа зовсонтой холбоотой болохыг нотолж байна.
Тавдугаар сарын 9-нд Путин Улаан талбайд болсон цэргийн парад дээр үг хэлсэн. Тэрээр цэргийн албан хаагчдад баярын мэнд хүргэж, Украинд тусгай ажиллагаа явуулж эхэлсэн шалтгаан, олон улсын үйл явдал, үүний өмнөхөн Орост үзүүлж буй дарамт шахалтын талаар ярьж, "Орос түрэмгийллийн эсрэг урьдчилан сэргийлэх арга хэмжээ авсан" гэж тэмдэглэв. Төрийн тэргүүн хэлсэн үгэндээ “Дэлхийн гуравдугаар дайн” эсвэл нөхцөл байдлыг хөгжүүлэх ижил төстэй хувилбаруудын сэдвийг огтхон ч хөндсөнгүй.
Дөрөвдүгээр сард Маск Твиттерт 44 тэрбум ам.доллар санал болгосон ч дараа нь спам илгээхэд ашигласан хуурамч хаягуудын тоо таван хувиас хэтрэхгүй гэсэн компанийн мэдээллийг шалгахыг шаарджээ. Маскийн хэлснээр тухайн олон нийтийн сүлжээ ийм дансны тоог дутуу мэдээлж, мөн гаргасан хүсэлтэд хангалттай мэдээлэл өгөөгүй гэжээ. Түүнчлэн тэрээр тус компанийн боловсон хүчний бодлогод сэтгэл дундуур байв.
Хожим нь буюу нь 7-р сарын 8-нд Маск тус сүлжээг удалдаж авахаас татгалзаж байгаагаа Твиттерт мэдэгдэв. Үүний хариуд Twitter Inc бизнес эрхлэгчийн эсрэг Делавэр мужийн Канцерийн шүүхэд нэхэмжлэл гаргасанюм.
Тодотгоход, Америкийн Twitter Inc. компани 2006 онд байгуулагдсан. Компанийн гол бүтээгдэхүүн бол богино мессеж солилцох олон нийтийн сүлжээ юм. Төв байр нь Калифорниа мужийн Сан Франциско хотод байрладаг.
Эх сурвалж РИА новости
