COVID-19-ийн сэтгэл зүйн үр дагаврыг анагаахын шинжлэх ухааны эрдэмтэн, клиник сэтгэл судлаач, гипнологич Денис Долгов өөрийн Tвитертээ нэрлэжээ. Түүний хэлснээр ийм үр дагавар нь сэтгэлийн байнгын түгшүүр, хямрал, мэдрэлийн эмгэг, хувийн хэв хэвшил алдагдах өөрчлөгдөх зэрэг хэлбэрээр илэрч болдог аж.
"Иймэрхүү эмнэлзүйн шинж тэмдэг өвчний дараах 30 хоногоос 6 сарын хугацаанд үүсдэг бөгөөд өөрийн дотооддоо болон хүмүүс хооронд зөрчилдөх, амьдралын утга учрыг дахин эргэцүүлэн бодох, алдаж онох, тогтсон үзэл бодлоосоо ухрах, өөрчлөгдөх, ирээдүйн сайн сайханд итгэх итгэлгүй болох зэрэг эмгэг дагалддаг. Өөрөөр хэлбэл, тодорхой хэмжээний оршихуйн хямрал” гэж Долгов тайлбарлав.
Энэхүү цар тахлаар өвчилсөн хүмүүс ихэвчлэн сэтгэн бодох чадвар мууддаг (сэтгэх хурд буурч, ой санамж мууддаг) гэж шинжээч тодруулав.
Гэхдээ энэ бүхнийг эмчийн зааж өгсөн эмийн эмчилгээ, дунд зэргийн биеийн тамирын дасгал, аялах зэргээр засч залруулж болно. Долговын хэлснээр оюун ухааныг хөгжүүлэх дасгалууд нь сэргээхэд тусалдаг. Тухайлбал, үгийн сүлжээ бөглөх, оньсого таавар, шүлэг цээжлэх, гадаад хэл сурах зэрэг байж болно.
"Сэтгэл хөдлөлийн эмгэгийн үед (сэтгэлийн хямрал, хайхрамжгүй байдал, аливааг хойшлуулах гэх мэт нийтлэлийн эхэнд дурдсан бүх зүйл) сэтгэлзүйн эмчилгээний үүрэг маш их байдаг. Гэхдээ арга нь өөр өөр байж болно. Жишээ нь гипноз, бие махбодид чиглэсэн хандлага, танин мэдэхүйн зан үйлийн эмчилгээ болон бусад "гэж мэргэжилтэн бичжээ.
Эх сурвалж: moslenta.ru/news/
