Түгжрэлтэй холбоотой асуудал жил бүр яригддаг хуучирдаггүй сэдэв. Тэгвэл энэ асуудалд Хөдөлмөрийн Үндэсний намын Ерөнхий нарийн бичгийн дарга Д.Гантулга дараах байр суурьтай байна.
Хөдөлмөрийн Үндэсний намын Ерөнхий нарийн бичгийн дарга Д.Гантулга: “Автомашиныг тэгш сондгойгоор хуваарилах нь маш буруу. Энэ бол хүний өмчид маш бүдүүлгээр ханлдаж байгаа явдал. Энэ асуудлыг эдийн засгийн арга хэмжээ авах ёстой. Нийтийн тээврээ сайжруулах ёстой. Эдийн засгийн хөшүүрэг хийх буюу машинаасаа татвар авдаг болох ёстой. Гэхдээ ганцхан энэ арга хэмжээг хэрэгжүүлээд түгжрэл буурахгүй. Нөгөө талаараа нийтийн тээврээ сайжруулах ёстой. Машинаараа явахад зардал их гараад байвал нийтийн тээвэр гэсэн сонголт байх ёстой. Мөн явган хүний зам, дугуйн замаа сайжруулах ёстой. Ердөө л энэ. Мэргэжлийн байгууллагад төлбөр төлөөд судалгаа хийлгэх ямар ч шаардлага байхгүй” гэлээ.
Мөн түгжрэлийг бууруулахаар 1,8 тэрбум төгрөг зарцуулах гэж байгаа бол хэрэггүй тэрийгээ биднээс асуучихаа. Жил бүр 420 тэрбумыг авчихаад шийдэл нь тэгш сондгой гэж байгаа байна. Энэ мэтчилэн ажил явж байгаа нэрээр жил бүр улсаас мөнгө гаргуулдаг байдал байж болохгүй гэлээ. Хэрэв ийм төсвөөр энэ ажлаа үргэлжлүүлнэ гэвэл бүх төлөвлөсөн ажлаа төлөвлөсөн хугацаанд нь хийж дуусга” гэлээ.
Г.Бүжинлхам
