Дэлхийн Монголчуудын холбоо нь Дэлхий даяар тархан суурьшсан Монгол үндэстэн, угсаатан хүмүүсийн нэгдэл, санаачилгын дагуу Дэлхий даяарх Монгол үндэстний эв, нэгдэл, харилцан ойлголцол, хамтын ажиллагааг сайжруулах, Монгол бахархал хэл бичгийн өвийг хойч үедээ өвлүүлэх, дэлхий даяарх Монгол үндэстний эрх зүйн орчныг бий болгоход хувь нэмрээ оруулах чиглэлээр үйл ажиллагаагаа явуулдаг олон улсын шинжтэй байгууллага юм. Холбоог 2021 оны гуравдугаар сарын 31-ны өдөр байгуулж холбооны Ерөнхийлөгчөөр Монгол улсын ерөнхийлөгч асан Ц.Элбэгдорж сонгогдон ажиллаж байгаа.
Тус холбооны ерөнхийлөгч Ц.Элбэгдорж дэлхий даяарх Монгол үндэстнийг төлөөлж олон улсын шинж чанартай олон уулзалтуудад оролцсон бол энэ удаа гадаадад байгаа монгол үндэстнүүдтэйгээ уулзжээ. Тухайлбал: Тува, Буриад, Өмнөд Монгол. Хазара, Халимаг, Ар Монгол зэрэг үндэстэнүүдтэй Нью-Йорк хотноо уулзаж мэндээ мэдэлцэж, цайгаа хувааж, дуу хуур хөгжөөж сайхан сууцгаасан талаараа өөрийн цахим хуудастаа бичжээ.
Г.Бүжинлхам
