XMF-Хуур хөгжмийн наадамтай хамтран ажиллахаар тохиролцсон Ард Санхүүгийн Нэгдэл гэрээгээр хүлээсэн үүргээ биелүүлээгүй тул XMF хөгжмийн наадмыг зохион байгуулагчдын зүгээс Ард Санхүүгийн Нэгдэлтэй дахин хамтран ажиллахгүй байх шийдвэр гаргажээ.
Энэ талаар XMF хөгжмийн наадмын Ерөнхий найруулагч, продюсер Ж.Энхжаргалан өөрийн цахим хуудсаараа дамжуулан мэдээлжээ. Тэрбээр Ард Санхүүгийн Нэгдэл хамгийн жижиг дүнгийн багцаар буюу 20 сая төгрөгтэй тэнцэх АРД КОЙН-оор Хуур хөгжмийн наадмыг ивээн тэтгэх гэрээ байгуулсан ч тохиролцооноосоо буцсан. “АРД”-ын захирлууд АРД КОЙН-оор хангалттай тасалбар зарагдаагүй тул 20 сая төгрөгийн АРД КОЙН-ыг өгөхгүй байхаар шийдсэнд сэтгэл дундуур байна хэмээн бичжээ.
