Германы Зэвсэгт хүчний ерөнхий байцаагч генерал Эберхард Цорн хэлэхдээ Москвагийн цэргийн хүчийг барууныхан дутуу үнэлж болохгүй бөгөөд түүний бодлоор Орос хоёр дахь фронт нээх боломжтой гэжээ.
"Оросын хуурай замын цэргийн хүчний дийлэнх хэсэг одоогоор Украинд төвлөрсөн байж магадгүй, гэхдээ ийм байсан ч бид Оросын хуурай замын цэргийн хоёр дахь фронтыг нээх боломжийг дутуу үнэлж болохгүй" гэж генерал Ройтерс агентлагт өгсөн ярилцлагадаа онцолжээ.
Орос улс уурай замын цэргээс гадна тэнгисийн цэргийн болон агаарын цэргийн хүчирхэг боломж нөөцтэй гэдгийг Цорн дурджээ.
“Оросын флотын дийлэнх хэсэг Украины дайнд хараахан оролцоогүй байгаа бөгөөд Оросын нисэх хүчинд ихээхэн нөөц бололцоо байсаар байгаа нь НАТО-д ч бас заналхийлж байна” гэж тэр хэллээ.
Бундесвер НАТО-гийн гишүүн Балтийн орнуудын агаарын нислэгийг сөнөөгч онгоцоор тогтмол дэмжиж, бүс нутгийн хамгийн хүчирхэг флотын Балтийн тэнгис дэх үйл явдлыг анхааралтай ажиглаж байна гэжээ.
Генерал Цорн "Зэвсэгт хүчний хувьд Орос улс бүс нутгийн хэмжээнд мөргөлдөөнийг өргөжүүлэх бүрэн боломжтой" гээд " гэвч ийм алхам нь Оросын хувьд маш ухаалаг бус үйлдэл болно" гэж генерал хэлэв.
Харин Украины цэргийн байдлын талаар Цорн хэлэхдээ, Оросын довтолгооны динамик удааширсан ч тэд урагшилсаар байна.
Хэдийгээр Украины энгийн иргэд хохирч байгаа ч Оросууд их бууны галын дэмжлэгтэйгээр урагшилж байна гэж мэдэгджээ.
Эх сурвалж: ВВС
