23 хүртэлх нас болон насанд хүрэгчдийн Азийн АШТ-ий мөнгөн медальт, Иван Ярыгиний “Алтан Гранпри”, Польшийн нээлттэй тэмцээний аварга, “Аврагч” спорт хорооны тамирчин ОУХМ Хүрэлхүүгийн Болортуяа 57 кг-ын жинд Узбекистаны Шохида Ахмедоваг оноогоор цэвэр (11:1) ялснаар эх орныхоо дэвжээнээс хүрэл медаль хүртэв. Энэ нь манай эмэгтэй бөхчүүдийн энэ удаагийн Азийн аваргын хоёр дахь хүрэл медаль болж байна.Өнгөрсөн жил Алматыд 62 кг-д үзүүрлэж байсан тэрбээр энэ удаа хоёр жин буурч барилдан хүрэл дээр бууж хошой медальтан боллоо.
Эх сурвалж. МЧБХ
