Олон Улсын Атомын Энергийн Агентлаг /ОУАЭХА/-ийн төлөөлөгчид тус АЦС-ын нөхцөл байдалд үнэлэлт дүгнэлт өгөх, тэнд байнгын төлөөлөгчийн газар байгуулахаар Киевээс "Запорожье" атомын цахилгаан станцыг зорьсон гэж Украины Энергоатом мэдээлэв.
"Зургаан сарын хүчин чармайлтын дараа бид эцэст нь явлаа. ОУАЭХА-ийн баг "Запорожье АЦС руу явж байна. Та бүхний мэдэж байгаагаар бид тэнд нөхцөл байдлыг үнэлж, аль болох тогтворжуулахад туслах маш чухал үүрэг хүлээж байна" гэж ОУАЭХА-ийн ерөнхий захирал Мариано Гросси Киевээс явахын өмнө хийсэн хэвлэлийн бага хурал дээр мэдэгдэв.
Түүний хэлснээр, төлөөлөгчийн газар тус станцад хэд хоног саатаж, ажилтнуудтай ярилцаж харилцахаас гадна нөхцөл байдлыг нарийвчлан тогтоож, атомын цахилгаан станцад байнгын төлөөлөгчийн газар байгуулахаар төлөвлөжээ.
ОУАЭА-ийн тэргүүний хэлснээр, төлөөлөгчийн газар Украин, Оросын аль алинаас аюулгүй байдлын баталгаа авсан байна. "Бид дайны бүс рүү, эзлэгдсэн нутаг дэвсгэр рүүгээ явж байна. Энэ нь зөвхөн Оросоос гадна Украинаас ч тодорхой баталгаа шаардаж байгаа бөгөөд үүнийг баталгаажуулах боломж олдлоо."гэжээ.
"Запорожье" атомын цахилгаан станц нь өнгөргч 3-р сарын эхнээс Оросын армийн мэдэлд байгаа юм. Украины "Энергоатом"-ын мэдээлснээр Оросын арми тус станцад цэргийн техникээ байрлуулсан байгаа гэжээ. Үүнийг тус станцын ажилтнууд ч нотолж байна.
Сүүлийн нэг сарын хугацаанд тус станц байнга буудлагад өртөж, үүнд Украин, Оросын тал бие биенээ буруутгаж байна.
Тодруулахад, Олон улсын атомын энергийн агентлагийн (МАГАТЭ) "Запорожье" АЦС-д хийх шалгалт наймдугаар сарын 31-нээс есдүгээр сарын 3 хүртэл үргэлжилнэ. Тус бүлэгт төвийг сахисан орнуудын 14 шинжээч багтжээ.
Эх сурвалж: ВВС болон Лента.ру
