Миний муу нийслэл хот өсөж төрсөн цагаас хойш өдийг хүртэл хөгжлийн бэрхшээлтэй иргэдийнхээ ажиллаж амьдрах таатай орчинг бүрдүүлж чадахгүй явсаар 2022 оныг үдэхнээ. Цаашид ч бүрдүүлж чадахгүй биз.
Өчигдөр буюу наймдугаар сарын 31ны өглөө Жуковын музейн буудал дээр нэгэн тэргэнцэртэй иргэн замын бордюраар арай ядан буухад угсраа автобусны жолооч түүнийг шахаж зогсов. Хөдлөх боломжгүй болсон залуу автобусны гаднаас "Намайг аваач ээ" гэж жолоочийг дуудахад жолооч уурсан гарч ирээд "Чи яах гэж наанаа буусан юм бэ, замын хөдөлгөөн их байгааг харахгүй байна уу холдооч " хэмээн түүнийг зандарлаа. Хариуд нь хөгжлийн бэрхшээлтэй иргэн "Би зориулалтын хаалгаар үйлчлүүлэх гэсэн юмаа" гэхэд жолооч "Энэ чинь эвдэрхий, сэлбэг нь Монголд байдаггүй, чамайг суулгах боломж байхгүй" гэж хэлээд орхиод явлаа.
Нийтийн тээвэр иргэнээ орхиод явсан нь дүүрлээ гэж бодоход Монгол хүний тусч зан хаачсан бэ иргэд жолоочтой нийлээд өргөөд оруулж болох л байсан байх даа.
Энэ тохиолдолд хөгжлийн бэрхшээлтэй иргэн болон жолоочид хэн хэнд нь буруу байхгүй бөгөөд Монгол Улсад нийтийн тээврийн үйлчилгээ болон Хөгжлийн бэршээлтэй иргэдэд зориулсан төрийн үйлчилгээ тэг байна.
