Монголын хүн амын талаас илүү хувь нь ажиллаж амьдардаг Нийслэл хотыг цэвэр агаар ундны ус гээд байгалийн эко системээр хангаж буй Богд ууланд байгаа самарчид отогчидтой "Богд хаан уулын дархан цаазтай газрын хамгаалалтын захиргаа" ганцаараа тэмцээд дийлэхгүй болжээ. Төр засаг минь энэ асуудалд анхаарлаа хандуулж хүч нэмэн туслах цаг нь болжээ. Хууль бус самарчид чинь хуш модыг гэмтээж эко системд аюул тарьж байна.
Богдхан уулын дархан цаазат газар хамгаалалтын захиргаа, Экологийн цагдаагийн албатай хамтран 2022.08.24-26 өдрүүдэд хяналт шалгалтын ажлыг өргөн хүрээтэй зохион байгуулжээ. Энэ хяналт шалгалтаар зөрчил торгуулийн арга хэмжээг газар дээр нь авч ажилласан бөгөөд. Үүнд:
2022.08.25 өдөр Экологийн цагдаатай хамтарсан хяналт шалгалтын комисс Төрхурах, Манчир, Номт, Түргэн, Жаргалантын амуудаас нийтдээ самарчдын 8 отог бүхий 43 иргэний албадан буулгаж арга хэмжээ авсан байна.
Мөн 2022.08.27-28ны өдрүүдэд Хамгаалалтын захиргааны алба хаагчид Түргэн, Өвөрзайсан, Шархад, Арцат, Жаргалант зэрэг амуудад гэнэтийн эргүүл шалгалтаар хориглосон бүсэд зорчиж байсан 28 машин, 130 гаруй иргэд мөн зөвшөөрөлгүй самарчдын 6 отог байсныг албадан буулгажээ.
Ингэхдээ мод хугалж гэмтэйх, нойтон мод тайрч таслах, урц барин утаа тавих, хөрөө сүхээр зэргээр мун хийж мод цохисон байгааг зурагжуулан баримтжуулан хураан авч, хууль бус үйл ажиллагаа таслан зогсоожээ.
Сүүлийн өдрүүдэд Богдхан ууланд хууль бусаар үйл ажилалагаа явуулж байгаа талаар дуудлага мэдээлэлийг холбогдох газруудад өгч хамтран ажиллаж буй иргэд, аялагчид та бүхэнд талархал илэрхийлье. Байгалиа хайрлан хамгаалах нь Иргэн хүн бүрийн журамт үүрэг билээ.
