БШУ-ны сайд Л.Энх-Амгалан Мэргэжлийн боловсролын тухай хуулийн төслийг өргөн барьлаа.
БШУ-ны сайд Л.Энх-Амгалан: “Дээд боловсролын тогтолцоо үндсэндээ техникийн болон мэргэжлийн боловсролынхоо тогтолцоог залгисан гэж хэлж болно. Өнөөдөр ЕБС-ийн төгссөн хүүхдүүдийн 95 хувь нь Дээд боловсрол эзэмшихээр суралцдаг. Ийм боловсролын тогтолцоотой улс гэж манай орноос өөр бараг байхгүй. Зөв тогтолцоо бол ЕБС төгсөгчдийн 30-40 хувь нь дээд боловсрол эзэмшихээр суралцдаг. Бусад нь мэргэжлийн болон техникийн боловсролын эзэмшдэг. Тиймээс энэ тогтолцооны гажгийг арилгах шаардлагатай байна.
МСҮТ төгссөн хүүхдүүд шууд ажлын байртай болдог. Харин их дээд сургууль төгссөн 30 хүний дунд нэг л ажлын байр байна. Үлдсэн 29 нь ажилгүй болж байна. Өнөөдөр их дээд сургуулийн бэлтгэж байгаа боловсон хүчин улс оронд хэрэгцээтэй байгаа мэргэжлийн эрэлтийг хангаж чадахгүй байна” гэлээ.
Тиймээс МУ-ын Засгийн газраас мэргэжлийн боловсролыг шинэчилж, өнөөдөр их хуралд өргөн барьж байна.
Цаашдаа энэ хуулийн төслөөр үнэлгээнд суурилсан санхүүжилтийг бий болгоно. Мөн багш нарын ур чадвар, цалин хөлсний асуудлыг анхаарч үзнэ. МСҮТ-ийг 2,5 жилээр төгссөн бол их сургуулийг заавал 4 жилээр төгсөх шаардлагагүй" гэлээ.
Г.Бүжинлхам
