Чөлөөт бөхийн Азийн аварга шалгаруулах тэмцээний дөрөв дэх өдөр эмэгтэйчүүдийн 53 кг-ын жинд “Аврагч” спорт хорооны тамирчин ОУХМ Батхуягийн Хулан анх удаа зодоглож мөнгөн медалийн эзэн боллоо. Б.Хулан нутгийнхаа дэвжээн дээрээс Монголын эмэгтэй бөхчүүдийн дөрөв дэх мөнгөн медалийг авчирав.Тэрбээр зоондоо дэлхийн отгон аварга Японы “шинэ од” Акари Фүжүнамид оноогоор (10:0) цэвэр ялагдсан ч Энэтхэгийн Санжай Шиндэг цэвэр дарж хагас шигшээд шалгарсан. 1/2 шигшээд ДАШТ-ий мөнгө, хүрэл медальт, Азийн аварга Казахстаны ахмад бөх Жюлдиз Эшимоваг 3:0-ээр ялсан юм. Шигшээ барилдаанд Акаритай дахин таарч оноогоор цэвэр (0:11) ялагдснаар үзүүрлэлээ.
