АН-аас цаг үеийн асуудлаар мэдээлэл хийлээ. Энэ үеэр АН-аас УИХ-ын гишүүн Ц.Туваан, О.Цогтгэрэл, С.Одонтуяа, Б.Бейсен нарыг хөөж, УИХ дахь АН-ын бүлгийг татан буулгаж байгааг АН-ын дарга С.Эрдэнэ мэдэгдлээ.
УИХ-ын гишүүн Д.Ганбат : Засгийн газар ямар ч хяналтгүй болж байна. Үндсэн хуульд халдлаа. Ингэхдээ манай АН-аас сонгогдсон зургаан нөхөр уравлаа. Тэд ард түмний эрх ашгаас уравсан, та бүхэн харж байгаа байх. Сая ард түмнээс асуулгүй, ард түмний доромжилж Үндсэн хуульд өөрчлөлт орууллаа. Үндсэн хуулийн хямралд аваачсан үйл явдал боллоо. Бидний зүгээс зохих арга хэмжээг авч ажиллана. Хэдийгээр манай АН-ыг хоёр, гурав хувааж, бүлгийг тарааж байгаа ч гэсэн бид ард түмнийхээ талд зогсож ажиллах болно.
АН-ын дарга С.Эрдэнэ: Үндсэн хуулийг ноцтой зөрчиж, хууль бус аргаар өөрчилж, төрийн түрэмгийлэл боллоо. Үндсэн хуулийн олонх хамгаалахгүй бол бид тэмцэнэ. Үндсэн хуулийг батлах явцад манай намаас сонгогдсон зарим гишүүд намын үндсэн дүрмийг ноцтой зөрчиж оролцсон учраас хариуцлага тооцсон. Тухайлбал, УИХ-ын гишүүн Ц.Туваан, О.Цогтгэрэл, С.Одонтуяа, Б.Бейсен нарыг найман жилийн хугацаатайгаар АН-ын гишүүнчлэлээс хасах дүгнэлтийг гаргасан.
