УИХ-ын гишүүн Ч.Хүрэлбаатар өнөөдрийн /2022.08.25/ чуулганы хуралдааны үеэр өөрийн байр сууриа илэрхийллээ. Тэрбээр "Үндсэн Хуулинд нэмэлт өөрчлөлт оруулснаар Парламентийн ардчиллыг бэхжүүлэх, тогтолцоог сайжруулахад чухал үүрэг гүйцэтгэнэ гэж үзэж байна.
1996 оноос эхлээд Улсын Их хурал болон Засгын Газрын хооронд зөрчил үүсэж эхэлсэн. Үүнээс 26 жилийн дараа Үндсэн хуулийн цэц дуугарч өнөөдөр энэ асуудлаар УИХ хуралдаж байна. Энэ хуулийн төслийг баталснаар Монгол Улсад парламентийн засаглал бэхжих үндэслэл болно.
Парламент хямралтай байдалтайгаа байх шаардлага байхгүй.
Зориг гаргаж улс орныг хөгжүүлэхээс биш алдаа дутагдалтайг нь мэдсээр байж үг хэлэхгүй, үйлдэл хийхгүй байж болохгүй. Энэ нь улс төрийн болоод нийгмийн нөхцөл байдлыг улам хүндрүүлдэг.
Тиймээс 62 гишүүний хүлээн зөвшөөрсөн Үндсэн хуульд оруулах өөрчлөлтийг цааш нь дэмжиж үргэлжлүүлэх ёстой" гэлээ.
Г.Бүжинлхам
