Эрэн сурвалжлагдаж байгаа Константин Немичев, Сергей Величко нар
ОХУ-ын Дотоод хэргийн яам Оросын цэргүүдийг эрүүдэн шүүсэн хэрэгт буруутгагдаж буй Украины үндэсний “Азов” батальоны командлагч Константин Немичев, Сергей Величко нарыг баривчлахад тусалсан хүн бүрд нэг сая рублийн шагнал олгохоо зарлалаа гэж тус яамны хэвлэлийн төв мэдээллээ.
Тэд хоёулаа Оросын цэргийн албан хаагчдыг эрүүдэн шүүж, онцгой харгис хэрцгийгээр хөнөөсөн гэж тэмдэглэжээ. Тавдугаар сард Немичев, Величко нарыг улс хоорондын эрэн сурвалжлах жагсаалтад оруулж, шүүхээс тэднийг баривчилах шийдвэрийг эчнээ гаргаад байгаа юм.
"Азов" батальоны энэ хоёр командлагч хоёулаа Харьковын уугуул иргэд бөгөөд Величко 1994 онд төрсөн, Немичев түүнээс хоёр насаар дүү. ОХУ-д тэднийг "Онцгой аюултай эрэн сурвалжлагдаж буй арван гэмт хэрэгтэн"-ийн жагсаалтад оруулсан. Мөрдөн байцаах хорооны мэдээлснээр тэд Оросын найман цэргийн амь насанд халдсан хэрэгт холбоотой.
Украины Үндэсний гвардийн "Азов" тусгай анги нь 2014 онд төрийн эргэлт хийсний дараа байгуулагдсан. Үүнд арьс өнгөөр ялгаварлан гадуурхах, неонацист үзэл баримтлал бүхий радикал үзэлтнүүд багтсан. Зөвхөн Украины иргэд төдийгүй бусад орны хөлсний цэргүүдээс бүрддэг.
"Азов" Донбасс дахь Украины цэргийн ажиллагаанд оролцсон. 2015 онд Оросын Мөрдөн байцаах хороо тус тусгай хорооны дайчдын эсрэг хүн хулгайлсан, эрүүдэн шүүсэн, байлдааны арга хэрэглэсэн зэрэг хэргээр эрүү үүсгэсэн.
Донбасст цэргийн тусгай ажиллагааны үеэр "Азовчууд" -ын гэмт хэргийн олон тооны нотлох баримтууд, ялангуяа энгийн иргэд, хоригдлуудыг тамлан зовоож, харгис хэрцгийгээр хөнөөсөн хэрэг илэрсэн. Түүнчлэн хүн амыг амьд бамбай болгон ашиглаж байжээ. Энэ наймдугаар сарын эхээр Оросын Дээд шүүх Үндэсний батальоныг террорист байгууллага гэжсэн ангилалд оруулсан.
Эх сурвалж:РИА новости
