Байгаль орчны мэргэжлийн байгууллага “Амьтан асралт” ХХК
Байгаль орчны мэргэжлийн байгууллага “Амьтан асралт” ХХК-аас Дархан цаазат Богдхан ууланд зэрлэг амьтадыг нутагшуулах, хамгаалах, онгон дагшин байгаль орчноо хамгаалж, ирээдүй хойч үедээ үлдээх зэргээр олон сайхан ажил хийж хэрэгжүүлсээр байна. Тус компаниас нэг жилийн дотор гэхэд 20 толгой халиун буга, 5 янгир ямааг сэргээн нутагшуулах ажлыг хийжээ. Мөн Богд уулын халиун буга, бор гөрөөс, янгир, саарал чонын нөөц, тархацыг тогтоох ажлыг гүйцэтгэсэн ба Хамгаалалтын захиргаатай хамтарч 2021 онд Халиун буга, янгир ямааны тоо толгой нөөц, тархацын үнэлгээ хийсэн байна. 2019-2022 онд тархац нутаггүй болсон монгол тарвагыг шилжүүлэх төслийг амжилттай хэрэгжүүлж, 20 толгой илийг өсгөн үржүүлэх ажлыг “Мөнгөн эгшиг” ХХК-тай хамтран хэрэгжүүлжээ.
Улмаар гэмтэж, бэртсэн зэрлэг амьтныг эмчилж, асарч байгальд нь буцааж тавих ажлыг гүйцэтгэж, 2021 онд 8 удаагийн дуудлагаар зэрлэг амьтныг эмчилж асарч буцааж тавих ажлыг хамтран гүйцэтгэсэн юм.
