ҮХЦ-ийн дүгнэлтийг хүлээж авахын тулд Дэгийн тухай болон журмын тухай хуулинд өөрчлөлт оруулах төслийг өргөн барьсан.
- Цэцийн Их суудлын хуралдааны шийдвэр гарсан. Өмнө нь ҮХНӨ дээр Их суудлын хуралдааны шийдвэр гарч байгаагүй болохоор хэрэгжүүлэх тал дээр учир дутагдалтай байсан учир Улсын Их Хурлын чуулганы хуралдааны дэгийн тухай хуульд нэмэлт оруулах тухай хууль, энэ хуулийг дагаж мөрдөх Монгол Улсын Үндсэн хуульд нэмэлт, өөрчлөлт оруулах журмын тухай хуульд нэмэлт оруулах тухай хуулийн төслийг өргөн барьсан. Энэ нь ҮХЦ-ийн шийдвэрийг хэлэлцэх дэг хуулийн дагуу явагдана гэсэн үг.
- Дэлхий дээр ҮХЦ-тэй улс орнууд цөөнгүй байдаг. Тэдгээр улсууд нь зарим нь цэцийнхээ шийдвэрийг агуулгыг хянадаг бол зарим нь огт хянахыг нь хориглодог улс ч байна. Манайд ҮХЦ УИХ-ын бүрэн эрхэд халдлаа гэх маргаан гарч байна. Тиймээс Үндсэн хуульд нэмэлт, өөрчлөлт оруулах журмын тухай хуульд нэмэлт оруулах тухай хуулийн төслийг өргөн барьсан. Хэрэв энэ хууль батлагдвал ҮХЦ-ийн хянах боломжгүй болно.
- Сонгуулийн тогтолцооны хувьд улстөрийн намуудаа төлөвшүүлэх чиглэл рүү орох ёстой. Парламентын тогтолцоотой, дэлхийд жишиг болж байгаа хэв маяг руу орохоос өөр арга бидэнд байхгүй.
- Улстөрийн намуудыг хариуцлагатай болгох хэрэгтэй байна. Тамга, гэрчилгээ нь хувь хүний сэйфэнд нь байдаг улстөрийн намууд зөндөө байна.
Эх сурвалж: Tovch.mn
