Өнөөдрийн засгийн газрын хуралдаанаар Сангийн сайд Б.Жавхлан " Өнөөдрийн Засгийн газрын хуралдаанаар 2017 оны УИХ-ын 23 дугаар тогтоол буюу "Эрдэнэт Үйлдвэр" ХХК, "Монголросцветмет” ХХК-ын 49 хувьтай холбоотой өр төлбөрийг харилцан суутгах, хэлэлцэл хийх замаар өр төлбөрийг барагдуулах тогтоол, 2018 оны ҮХЦ-ийн дүгнэлт зэргийн биелэлтийг хангах дараагийн Засгийн газрын шийдвэр гарлаа. Эхний шийдвэр 2022 оны зургаадугаар сард гарч 166 тэрбум төгрөгийг харилцан суутгал хийхээр шийдвэрлэсэн. Энэ удаагийн шийдвэрээр Монголбанкны Худалдаа Хөгжлийн банкнаас авах авлага буюу ХХБ-наас Монголбанканд төлөх 480 тэрбум төгрөгийг суутгаж авснаар нийт 580 гаруй тэрбум төгрөгний харилцан суутгал хийхээр боллоо. Ингэснээр Эрдэнэт Үйлдвэрийг 100 хувь Монгол Улсын өмч болгох томоохон алхам болж байна" гэв. Мөн "Хөгжлийн Банктай холбоотой төрийн өмчийн болон хувийн хэвшлийн компаниудын чанаргүй зээлийг богино хугацаанд барагдуулах шийдвэр гаргалаа. Хөгжлийн банкны чанаргүй зээлийн үзүүлэлт өмнөх сартай харьцуулахад багассан үзүүлэлттэй байна" гэв.
