Чөлөөт бөхийн Азийн АШТ Буянт-Ухаа спортын ордонд үргэлжлэн явагдсаар байна. Өнөөдөр 53 кг-ын жинд “Аврагч” спорт хорооны тамирчин ОУХМ Батхуягийн Хулан хэсгийн сүүлийн барилдаанаа Энэтхэгийн Санжай Шиндэг цэвэр дарж хагас шигшээд шалгарав. Улмаар 1/2 шигшээд ДАШТ-ий мөнгө, хүрэл медальт, Азийн аварга Казахстаны хашир туршлагатай бөх Жюлдиз Эшимоватай барилдан ялалт байгуулсанаар аваргын алтан медалийн төлөө барилдах эрхтэй боллоо.
Б.Хулан финалд Ослогийн дэлхийн аварга, Японы 18 настай шинэ од Акари Фүжинамитай барилдана.