Өнөөдөр Боловсрол, соёл, шинжлэх ухаан, спортын байнгын хорооны хуралдаан боллоо. Хуралдаанаар хичээлийн шинэ жилийн бэлтгэл ажил, цэцэрлэг, сургуульд хамрагдалт, боловсролын салбарын хөрөнгө оруулалтын гүйцэтгэлийн асуудлыг хэлэлцсэн юм.
Энэ үеэр Боловсрол шинжлэх ухааны сайд Л.Энх-Амгалан тендертэй холбоотой асуудлаар гишүүдийн асуултад хариулахдаа “Тендерийг БШУЯ зарлахаа болиод Тендерийн худалдан авах агентлаг руу шилжүүлсэн. Үүн дээр яах аргагүй асуудал байсан. Одоо ч энэ асуудалд тодорхой өөрчлөлтүүд орж чадахгүй байна. Тендер авч мэргэшсэн, цүнхний компаниуд олон байгаа. Сүхбаатар, Баян-Өлгий аймагт 5,6 жил объектууд сэглээд хаячихсан компаниуд байна. Иймээс бид таван компанийг хар жагсаалтад оруулж, зарласан. Цаашдаа бол боловсролын салбарын тендерт оролцохгүй гэсэн үг” гэж хэллээ.
Эх сурвалж: Erennews.mn
