Үндсэн хуулийн цэцийн Их суудлын хуралдаанаас парламентаас дөрвөн гишүүнд Засгийн газарт орж ажиллах нь Үндсэн хууль зөрчсөн гэж үзэн, тогтоолоо гаргасан. Ингэснээр Үндсэн хуулийн уг зөрчлийг арилгаж, Засгийн газар танхимдаа салхи оруулах нь тодорхой болоод байна.
Гэхдээ уг томилгоонууд өнөө маргаашдаа хийгдэхгүй. ҮХНӨ-ийг баталсны дараа УИХ-ын намрын чуулганы өмнөхөн шинэ сайд нар томилогдох чигтэй байна. Одоогоор Засгийн газарт Х.Нямбаатар, Б.Жавхлан, С.Амарсайхан, Л.Энх-Амгалан нарын дөрвөн "давхар дээл"-тэй сайд нар ажиллаж буй.
Эдгээрээс Шадар сайд С.Амарсайханыг явуулах чигтэй байна. Улс төрийн хүрээнд яригддагаар С.Амарсайхан нь МАН-ын генсек Д.Амарбаясгалангийн дэмжлэгээр томилогдсон бөгөөд танхим дотроо хамгийн тохиромжгүй сайдаар нэрлэгддэг.
Тэрбээр хотын даргын нөр их ажилтай, хүн гуйлгадаг, хувийн бизнесээ өргөж болдог албан тушаалаас УИХ-ын гишүүний хийх ажилгүй шахам суудалд сууж, шоконд ороод байсан үедээ Засгийн газарт орж ажилласан билээ. С.Амарсайхантай зэрэгцэж, ЗГХЭГ-ын дарга Ц.Нямдорж мөн ажлаа өгөх нь тодорхой сайдаар нэрлэгдэж буй юм.
Эх сурвалж: Eguur.mn
