Хоггүй орчин бий болгохын тулд БОАЖ-ын сайд Б.Бат-Эрдэнэ хог шатаах ИЖТЕЛ зуухны үйл ажиллагааг үзэж, танилцсан байна. Тэр цахим хуудаснаа "Монгол Улсаа хогон далайгаас салгах шаардлага нэн тэргүүнд тавигдаж байна. Тиймээс Байгаль орчин аялал жуулчлалын яам орон нутгуудад ажиллахдаа хогийн цэгүүд, ойн сан, усны сав газруудаар заавал явж хог, шороо, байгальд сөргөөр нөлөөлж хор хохирол учруулж буй бусад хаягдалтай танилцаж байгаа билээ. 2023 онд Монгол Улсын 330 сумаас 100 сумыг хогноос салгах төсөл хэрэгжүүлэхээр ажиллаж байгаа билээ. Төрөл бүрийн туршилтуудыг хийж байгаа. Өнөөдрийн байдлаар ландфилл буюу булах аргаар цэвэрлэх үйл ажиллагааг явуулж байна. Цаашдаа бид булаад яваад байж болохгүй. Дахин боловсруулах үйлдвэр нэн хэрэгтэй байгаа ч санхүүгийн нөхцлөөс шалтгаалж хэрэгжихгүй удлаа. Энэ удаад Технологи бридж компанийн бүх төрлийн хог хаягдлыг 1200*C шатааж устгах зөөвөрлөж ажиллах боломжтой ИЖТЕЛ зуухтай танилцлаа." гэжээ.
Эх сурвалж: Erennews.mn
