Үндсэн хуулийн цэцийн Их суудлын хуралдаан өнөөдөр болно. Их суудлын хуралдаанаар 2019 оны Үндсэн хуулийн нэмэлт, өөрчлөлтөөр баталсан “Ерөнхий сайд болон Засгийн газрын гишүүдийн дөрвөөс илүүгүй нь УИХ-ын гишүүн байж болно” гэж заасан нь Үндсэн хууль зөрчсөн эсэхийг хянан хэлэлцэнэ. УИХ-ын гишүүн Ш.Адьшаа, Н.Ганибал нар 2021 оны арваннэгдүгээр сард Засгийн газрын гишүүдийн дөрвөөс илүүгүй нь УИХ-ын гишүүн байх Үндсэн хуулийн өөрчлөлт нь Үндсэн хууль зөрчиж байна гэж Цэцэд өргөдөл гаргасан юм.
