
Шүршүүрт орох бүрийнхээ дараа чийгшүүлж, унтлагынхаа өрөөнд шөнөжин агаар чийгшүүлэгч хэрэглэж, эрүүл хооллосоор атал арьс тань хуурай, таталдсан хэвээр байсаар байна уу? Арьсны эмчдээ бурууг тохохоосоо өмнө дэндүү хуурай арьстай болгоход хүргэдэг дараах зуршлуудаас нэг эсвэл түүнээс илүү нь танд байдаг эсэхийг шалгаад үзээрэй. Хэрвээ доор дурдсан муу зуршлуудаас нэг нь л танд байдаг бол сайхан арьстай байх боломжгүй юм.
Халуун шүршүүрт удаан орох
Халуун ус нь арьсны эд эсүүдийн эргэн тойронд усыг барьж байдаг холестерин, тосны хүчил, керамид зэрэг байгалийн липидүүдийг арьснаас тань урсгаж орхидог. Эдгээр липидүүдийн багасалт нь арьсыг хуурай, таталдсан болгодог. Шүршүүрт орох хугацаагаа 10-15 минутаас хэтрүүлэх хэрэггүй. Мөн халуун бус бүлээн шүршүүрт орж занш. Ваннд орохдоо ч мөн дээрх зарчмыг баримтлах хэрэгтэй. Түүнчлэн нүүр гараа угаахдаа бүлээн усаар угааж байгаарай
.Шүршигч саван хэрэглэх
Шүршигч саван, хөөсөн нүүр цэвэрлэгч зэрэг цэвэрлэгчүүдээр угаах нь яг л халуун ус шиг арьсны липидүүдийг арилгадаг. Түүгээр ч зогсохгүй эдгээрт агуулагдах химийн бодисууд нь арьсны эд эсэд нэвтэрч, үрэвсэл үүсгэдэг. Спирт болон усан суурьтай цэвэрлэгчнүүд, ванны хөөс, үнэрт савангууд нь арьсанд хортойгоор нөлөөлдөг. Тосон суурьтай, үнэргүй, зөөлөн бүтэцтэй саван, бие угаагчуудыг хэрэглэ.
Шүршүүрт орсны дараа биеэ бүрэн хаттал арчих
Шүршүүрт орсны дараа биеэ хөнгөн дарж арчаад нэн даруй чийгшүүлэгч түрхэж занш. Арьс гуужуулагчийг хэтрүүлэн хэрэглэх Арьсыг гуужуулах нь арьсны үхэжсэн эд эсүүдийг арилгах, арьсны шинэ давхаргыг ил гаргах ач холбогдолтой. Гэхдээ салхи эсвэл хүйтэн цаг агаарт цочирсон арьсыг гуужуулах нь сайн арга биш. Үүний оронд хүйтэн сэрүүний улиралд хүчилтөрөгчийн болон чийгшүүлэгч маск хэрэглэх хэрэгтэй.
Өвөл нарнаас хамгаалах тос хэрэглэхгүй байх
Нарны хэт ягаан туяанаас илүү арьсыг гэмтээдэг зүйл үгүй. Өвөл зуны аль ч цагт нарнаас хамгаалах тосыг заавал хэрэглэх хэрэгтэй. Эдгээрээс гадна тодорхой эм, эмчилгээний нөхцлүүд түүнчлэн чихрийн шижин зэрэг нь арьсны хуурайшилд хүргэдэг.