Үндэсний спортын VII наадмын хүчит бөхийн барилдааны улсын цолтой бөхчүүдийн барилдаанд Б.Цэдэнсодном түрүүллээ. Хүчит бөхийн барилдаан улс, аймаг, сумын болон залуу бөхчүүдийн хооронд 11 тойргоор хүч үзсэн юм. Тойргоор барилдсан энэ наадамд Б.Цэдэнсодном нэг ч уналгүйгээр түрүүлсэн бол хоёрдугаар байрт Архангай аймгаас оролцогч улсын начин Ч.Ганзориг, Хан-Уул дүүргээс оролцогч улсын начин Б.Бадамсүрэн гуравдугаар байрыг эзлэв. Харин аймгийн цолтой бөхийн барилдаанд Өвөрхангай аймгаас оролцогч аймгийн харцага Б.Өлзийсайхан түрүүлж, аймгийн харцага Л.Даваажамц аймгийн арслан Ц.Лувсан-Адъяа нар хоёр, гуравдугаар байрын эзэд боллоо. Сумын цолтой бөхийн барилдаанд Орхон аймгаас оролцогч сумын заан А.Пүрэвсүрэн нэгдүгээр байрт орсон бол Увс аймгаас оролцогч сумын заан Б.Цагаанбанди дэд байр, Завхан аймгаас оролцогч сумын заан Д.Төгс-Эрдэнэ гуравдугаар байрт шалгарав. Үүнээс гадна залуу бөхийн барилдаанд Сүхбаатар аймгаас оролцогч Д.Бямба-Эрдэнэ түрүүлсэн бол Орхон аймгийн оролцогч Б.Цэрэндаш, Чингэлтэй дүүргийн оролцогч З.Галт-Очир нар дараагийн байруудыг эзэллээ.
Д.Дарамбазар
